{"id":5162,"date":"2024-12-23T18:27:25","date_gmt":"2024-12-23T18:27:25","guid":{"rendered":"https:\/\/www.ortzadar.eus\/?p=5162"},"modified":"2025-01-01T20:08:01","modified_gmt":"2025-01-01T20:08:01","slug":"ortzadar-euskal-folklore-elkarteak-jaso-du-x-txondorra-saria-taldearen-50-urteurrenean","status":"publish","type":"post","link":"https:\/\/www.ortzadar.eus\/eu\/2024\/12\/ortzadar-euskal-folklore-elkarteak-jaso-du-x-txondorra-saria-taldearen-50-urteurrenean\/","title":{"rendered":"Ortzadar Euskal Folklore Elkarteak jaso du X. Txondorra saria, taldearen 50. urteurrenean"},"content":{"rendered":"

Ortzadar Euskal Folklore Elkarteak jaso du X. Txondorra saria, taldearen 50. urteurrenean<\/b><\/p>\n

Sariak aitortzen du urte hauetan guztietan euskal folklore tradizionalaren ikerketari eginiko ekarpena<\/b><\/p>\n

2024ko Abendua 23a<\/p>\n

Gaur goizean aurten 50. urteurrena betetzen duen Ortzadar Euskal Folklore Elkarteari eman zaio X.Txondorra saria, Iru\u00f1eko Udalaren harrera-aretoan. Olentzeroren Lagunen Elkarteak sustatzen duen eta Iru\u00f1eko Udalarekin eta Nafarroako Gobernuarekin lankidetzan ematen den sari honek saritu nahi du “urte hauetan guztietan zehar folklore tradizionalaren ikerketari eginiko ekarpena”. Aurtenhamargarren edizioa du dagoeneko, bere jardunean kultura herrikoi eta tradizionala bultzatzen eta garatzen laguntzen duten pertsona edo erakundeak omentzen.<\/span><\/p>\n

Joseba Asiron Iru\u00f1eko alkateak, Udalbatzaren ordezkaritza bat bertan zela, kultura-elkarteko bi kideri eman die saria: Amaia Zubiria Aldazi eta Arkaitz Ibarra Alonsori. Epaimahaiak saria eman dion hautagaiak honela deskribatu zuen bere ekarpena: \u201cBere ibilbide luzean, Ortzadarrek ikerketa-lanen bidez (landa-lanak eta artxiboak), ikerketa-jardunaldiak antolatuz, ikastaroak eta lantegiak eskainiz eta horren guztiaren funtsa dantzen eta musika-emanaldien bidez zabalduz ikertu eta zabaldu ditu folklorea eta kultura tradizionala. Iru\u00f1eari eta Nafarroari egin dion ekarpena, baita euskal kultura eta tradizioei egin diena ere, ikaragarria da. \u201c. Saria igeltsuz eta hautsez eginiko eskultura da, Benito Go\u00f1ik egina, eta egur-ikatz zati bat irudikatzen du.<\/span><\/p>\n

Ekitaldian izan dira Joseba Asiron Saez Iru\u00f1eko alkatearekin batera epaimahaia osatu duten beste kide batzuk ere, hala nola Susana Irigaray Soto Nafarroako Gobernuko Museoen Zerbitzuko zuzendaria, Rebeca Esnaola kontseilariaren ordez, eta, unibertsitateen ordezkari gisa, Roldan Jimeno (NUP) eta Naiara Ardanaz (NU). Horiez gain, honako hauek aritu dira epaimahaian: Patxi P\u00e9rez, Nafarroako Kazetarien Elkartea ordezkatuz; Irantzu V\u00e1zquez, CAN Fundazioa ordezkatuz; Laura Iantzi, Euskal Artzainak Ameriketan elkartea ordezkatuz; eta Sandra Iraizoz Cia, epaimahaiko idazkari gisa.<\/span><\/p>\n

Musikaz eman zaio hasiera ekitaldiari. Ortzadarko kideek Santa Ageda-koplak eta -doinua interpretatu dituzte. Hitzaldien ondoren, aurten ere, Olentzeroren Dantza, Pedro Romeok sortutako koreografia interpretatu da sari-banaketan. Olentzerori laguntzeko erabili ohi den doinuan dantzatzen da, dantza tradizionalen pausoetan oinarrituta. Bi dantzarik dantzatu dute, Olentzeroren Lagunen Elkarteko bi txistuk eta Hego Haizea taldeak lagundurik. Ekitaldiari amaiera emateko, bertaratutakoek \u2018Hator, Hator\u2019 gabon-kanta abestu dute.<\/span><\/p>\n

Nafarroan folklorea zabaltzeko formatu berri bat<\/span><\/p>\n

Ortzadar 1974an sortu zen, Iru\u00f1eko hainbat dantza-taldetako musikari eta dantzariek bat egiteari esker. Nafarroan folklorea zabaltzeko formatu berri bat bultzatu nahi zuten, hutsetik hasita eta modu kolektiboan. Horrek, lehenengo urteetan, musika eta dantza tradizionalak ikastea eskatzen zuen, ikastaroak ematea, besteak beste, txistu-ikastaroak, eta jarduerak antolatzea, horien artean Olentzero ateratzea Iru\u00f1ean.\u00a0<\/span><\/p>\n

Hurrengo urteetan, taldeak Ortzadar Euskal Folklore Taldea izena hartuko zuen, irabazi asmorik gabeko kultur elkarte pribatu gisa eratuta, azkenean Ortzadar Euskal Dantzari eta Kantari Elkartea izenez aritzeko. Hortik aurrera, ateak irekiko dizkie Euskal Herriko folklorea eta tradizioa zaindu eta zabaltzeko lan egiten dutenei ez ezik, Ortzadarrek helburu hori bultzatzen jarrai dezan laguntza ekonomikoa eman nahi dutenei ere.\u00a0<\/span><\/p>\n

Gaur egun, 120 pertsonak baino gehiagok osatzen dute Ortzadar, guztiak bazkideak, eta programatutako jardueretan, dantzari nahiz musikari dagozkionetan, egiten dute ekarpena, baita jantzietan, irakaskuntzan, jardunaldietan, ikerketan eta abarretan. Gaur egun, elkarte horrek hiru dantzari-talde ditu (beteranoak, seniorrak eta txikiak); horietan, 80 pertsona inguruk parte hartzen dute, kanpoko ikastaroetan eta Elkartearen funts dokumentalen laguntzaz prestakuntza jaso duten begirale propioekin.<\/span><\/p>\n

Txondorra sariaren hamargarren edizioa<\/span><\/p>\n

Txondorra saria 2015ean sortu zen, tradizioen eta herri-kulturaren alde lan egiten duten pertsonen edo erakundeen ibilbide profesionala aitortzeko asmoz. Lehen edizio horretan, Lesakako herriari eman zitzaion saria, eta, hil ondoko sari gisa, Andoni Santamaria Juventudes de San Antonio taldearen sortzaileari.<\/span><\/p>\n

Ordutik aurrera, urtero egin zaie errekonozimendua etnografiaren, etnologiaren, folklorearen eta euskal kulturaren eremuetatik hurbil dauden pertsonei. 2016tik 2018ra bitartean, etnografoek eta etnologoek jaso zuten saria: Joxe Ulibarrenak, Juan Antonio Urbeltz etnografoak eta haren emazte Marian Arregik osatutako bikoteak, eta Pello Apezetxeak, hurrenez hurren.<\/span><\/p>\n

2019an, kazetari batek hartu zuen erreleboa, Gabriel Imbuluzquetak hain zuzen ere, eta, letretako lanbideei jarraipena emanez, 2020an, Fernando Hualde idazle eta ikerlariak. 2021ean, Ces\u00e1reo Soule harginari eman zioten saria. Azken bi aitortzak honako hauendako izan ziren: Balbino Garcia de Albizu ikertzailearendako 2022an,eta Aurelio Sagaseta Iru\u00f1eko Katedraleko Musika Kaperako maisu ohiarendako, iaz.<\/span><\/p>\n

Txondorra Saria<\/span><\/p>\n

    \n
  • \u00a0 2015 – Lesakako Herria, eta, hil ondorengoa, Andoni Santamaria Juventudes de San Antonio taldeko sortzailea.\u00a0<\/span><\/li>\n
  • \u00a0 2016 – Joxe Ulibarrena, eskultore eta etnografoa<\/span><\/li>\n
  • \u00a0 2017 – Juan Antonio Urbeltz etnografoa eta Marian Arregi emaztea<\/span><\/li>\n
  • \u00a0 2018 – Pello Apezetxea, etnografo, etnologo, idazle eta apaiza<\/span><\/li>\n
  • \u00a0 2019 – Gabriel Imbuluzqueta, kazetaria<\/span><\/li>\n
  • \u00a0 2020 – Fernando Hualde, idazle eta ikertzailea<\/span><\/li>\n
  • \u00a0 2021 – Ces\u00e1reo Soule, hargina<\/span><\/li>\n
  • \u00a0 2022 – Balbino Garc\u00eda de Albizu, ikertzailea<\/span><\/li>\n
  • \u00a0 2023 – Aurelio Sagaseta, Iru\u00f1eko Katedraleko Musika Kaperako maisu ohia<\/span><\/li>\n
  • \u00a0 2024 – Ortzadar Euskal Folklore Elkartea<\/span><\/li>\n
  • <\/li>\n<\/ul>\n

    \"\"\"\"\"\"<\/p>\n<\/div>